သယ်ဂျင်းရယ်

ခင်မင်မှု့ ဆိုတာဘာလဲ
ဝီစကီတစ်ခွက်နဲ့  ခပ်ပေါ့ပေါ့အရောင်တင်ပစ္စည်းလား...။
အတ္တနဲ့  ထုဆစ်ပြီး
ဝုန်းဒိုင်းကျဲနေတဲ့ နိုက်ကလပ်ထဲက ရမ္မက်မျက်လုံးနဲ့ လား...။
မငြင်းပါဘူး
အရာရာမှာ အသပြာက စံမှီနေပါတယ်
မတတ်နိုင်လို့ ပါ ငါ့ကောင်ရယ်ဆိုပြီး
ခပ်ထေ့တေ့လေး မရိလိုက်ပါနဲ့ ...။
အရောင်မွဲမွဲမာန ပိုပြင်းရှတယ်ဆိုတဲ့စကား
မွမွလေးပြုံးပြီး လှောင်ဦးမလား....။
ရေမရောတဲ့ ၀ီစကီတစ်ခွက်ထက်
ခပ်နှိမ်နှိမ်ကြည့်တဲ့ မင်းမျက်လုံးအရောင်က
ငါ့ရင်ကို ပို လောင်ကျွမ်းဘူးတယ်...။
မမေ့တတ်ပါဘူး
တံဆိပ်အမျိုးမျိုး တပ်ပြီး
မင်းပေးဆပ်ဘူးတဲ့ သာယာမှု့ တွေကို...။
ဒါပေမယ့်
အဖြူရောင်မြတ်နိုးပြီး
အဖြူရောင်ဘဲ ထုတ်လုပ်တတ်တဲ့
ငါ့နှလုံးသား စက်ရုံက
ရောင်စုံတံဆိပ်တပ် ပစ္စည်း
မမျှော်လင့်ပါနဲ့  သူငယ်ချင်း....။

မျက်လုံးစိမ်းစိမ်းနဲ့ ခပ်ပိန်ပိန် သူငယ်ချင်းဆီသို့ 

ရေပွက်တမ်းချင်း

စိတ်ကူးနုနု စာမစီတတ်တဲ့
ရင်ခုန်သံစည်းချက် မမှန်ခင်ကတည်းက
သူ့ ကကြိုးတွေနဲ့  ကြီးပြင်းခဲ့ရတယ်။
ပျံသန်းဘို့ အားယူတဲ့ အတောင်တစ်စုံကလည်း
သူဖန်ဆင်းပြတဲ့ နန်းတော်လေးတွေကြောင့်
ကြွရွပေါ့ပါးခဲ့ရတာပေါ့...။
မနေ့ တစ်နေ့ ကလိုပါဘဲ
သူကွယ်လွန်သွားသတဲ့
ကာရန်တွေ မချစ်တတ်တဲ့ သူတွေကြားမှာ
တိတ်တဆိတ် ဂုဏ်ပြု ကြေကွဲခဲ့ရပါတယ်...။
သူကတော့
"ပလုံ" ပြီးလို့  ၀ဲဂယက်လေးတွေ ငြိမ်ပြီပေါ့
သူဆိုညည်းခဲ့သလိုပါဘဲ။
တစ်ခါတစ်ရံ အိမ်မက်က နိုးထဖြစ်ရင်
ရင်ဘတ်ထဲ နှိုက်စမ်းကြည့်တယ်
သူဆိုညည်းခဲ့သလိုပါဘဲ
"ပလုံ" ဘဲပေါ့......။

တာရာမင်းဝေ သို့  သတိတရ

ပင့်သက်

ည တိတ်ဆိတ်မှောင်မိုက်နေတဲ့ည
လွမ်းစရာ ကောင်းရဲ့ လား
ဖြစ်တည်ပြီးတာတွေက မက်လောက်စရာမရှိ
တွေဝေခြင်းက အနိုင်ယူနေပြီလား
ငါ့ကိုယ်ငါတော့ သတ္တိရှိတယ် ထင်နေတုန်း
ကိုယ်တိုင် သွေးပျက်ဖူးတာအသိ
ကြောက်စိတ်က မာယာများနေတယ်
တုန်လှုပ်မှု့ က ထိုးနှုက်
လိုချင်ဆန္ဒ တပ်မက်မှု့ တွေ
ငါ့ဦးနှောက်ကို မီးလောင်တိုက်သွင်းနေတယ်....။
ဆန္ဒဆိုးတွေ ဝေးဝေးရှောင်လို့ 
ရိုးရိုးရှင်းရှင်း အဆုံးသတ်ချင်တယ်......။
ဂုဏ်သိမ်တွေလည်း မမက်ခဲ့ပါဘူး
ကြုံသမျှလူ ကယ်တင်နိုင်မယ့်
စူပါဟီးရိုးလည်း မဖြစ်ချင်ပါဘူး......။
တကယ်သေးသေးလေးရယ်ပါ
မနက်ဖြန်ကို တွေးမကြောက်မိအောင် ကြိုးစားနေတယ်
တတ်နိုင်သလောက် ကြင်နာမယ်
နားလည်တတ်သူရဲ့  နွေးထွေးမှု့ လေးကိုတော့
ကြည်နူးဝမ်းသာမှု နဲ့  ခံယူမိနေတုန်းဘဲ......။

သက်ပိုင်

နှင်းပျိုးပြီးနောက်

အိမ်မက်ဖူးတယ်
နွေမပါဘူး လေမထန်ဘူး
အရောင်တောက်တောက်
အာရုံမနောက်စရာတွေနဲ့ ပေါ့....။

နှင်းဖွဲဖွဲလေး
တစိမ့်စိမ့် အေးတဲ့အချိန်မှာ
သာယာတဲ့ကိုင်းထက်
တောင်ပံတဖြတ်ဖြတ် ခတ်လျှက်ပေါ့....။

ရင်ခုန်ခဲ့ပါတယ်
စိုက်ပျိုးချင်တာတွေအတွက်
တောက်ပတာမပါတဲ့
ကျွန်တော့် သံစဉ်ဟောင်းကို
အလွမ်းသီချင်းနဲ့ တော့ မမှားစေချင်ဘူး....။

အခု
နေညိုရင် သီဆိုမယ့်
ကျွန်တော့်သံစဉ်ထဲမှာ
နှင်းဆီသွေးကြွ
နှုတ်ခမ်းလှလှတွေ ကြွေလွင့်ပြီ
အရောင်လွင့်လွင့်
အိမ်မက်မြစ်တွေ ချောက်ခမ်းပြီ
ဒီနွေအလှနဲ့ 
ခပ်ကြမ်းကြမ်း လေပြင်းကြားမှာ
မျောလွင့်ဆဲ.....မျောလွင့်ဆဲ.....။

သက်ပိုင်